BE.44 Logu no.206
O TONDI PARBADIA I, BONGOTI

Ayat 1
Hamuna na porsea i Sai tomu Tuhan Jesus i Pahehe rohamuna
Jonok do ari pesta ni Saluhut huriaNa i I ma hatutubuNa
I pe hehe ma hamuna Baen pantunna lao manjangkon Na manopot hajolmaon.

Ayat 2
Marlas ni roha situtu Saluhut halak na burju Lao mangihuthon Jesus
I pe pataridahon ma Las ni roham di Debata SangkapNa ma patulus
Puji puji Jesus Kristus na manobus tondimuna Sian hamagoanmuna

Ayat 3
Sigati rohamuna be Sai tanda dosamu sude Paringkot rohamuna
Manjangkon Sipalua i Na tuat sian surgo i Manggarar utangmuna
Tanda hata Hangoluan na binoan ni Tuhanta Na pasae sude dosanta.

Ayat 4
Ai molo so diboan ho Dosam tu Jesus i na ro Ndang saut be ho malua
Tongtong ma songgop rimas ni Jahowa Debatanta i Tu ho na hum manjua
I pe sude Angka dosa hinaroa ni rohamu Pasesahon tu Tuhanmu.

Ayat 5
O Debata, asi rohaM Tumatap hami huriaM Sai taiti rohanami
Tu Jesus Kristus, AnakMi Naung ro tu hajolmaon i Baen hatuaonnami
Tomos, gomos Baen ma hami mardalani tu na sonang Sahat tu banuaginjang.
